Oddur hafði betur gegn lærisveinum Geirs

Oddur Grétarsson og félagar í Balingen höfðu betur gegn lærisveinum Geirs Sveinssonar í Nordhorn-Lingen í þýsku Bundesligunni í handbolta í dag.

Oddur var markahæstur leikmanna Balingen með sex af 25 mörkum liðsins í 25-23 sigrinum. Heimamenn í Balingen höfðu verið 13-8 yfir í hálfleik.

Þetta var fyrsti sigur Balingen í deildinni eftir tap í fyrstu umferðinni en Nordhorn er enn án stiga.

Balingen er nýliði í Bundesligunni í vetur eftir að hafa komið upp úr B-deildinni í vor.