Reglunum breytt á HM: Leikmannahóparnir stækkaðir og hvíldardagur eftir hvern einasta leik

Alþjóðahandknattleiksambandið samþykkti í dag á aðalfundi sínum að samþykkja tillögu um breytingar á hvíldardögum á HM í framtíðinni og leikmannahópar þjóðanna á mótinu verða stækkaðir.

Aðalfundur IHF fór fram í Gautaborg í dag og þar var meðal annars samþykkt að ekki er leyfilegt að þjóð spili tvo daga í röð á heimsmeistaramóti frá og með næsta heimsmeistaramóti.

Gode nyheder. Håndbold VM bliver fremover med hviledag efter hver kamp. Trupper på 18 spillere og bruttotrupper udvidet fra 28 til 35 spillere.  Besluttet idag af IHF #hndbldhttps://t.co/szN1G9ClMc

— Thomas Kristensen (@ThomasKTV2) July 11, 2019

Reglurnar taka gildi frá 1. janúar 2020 en margir leikmenn hafa kallað eftir þessum breytingum enda álagið á þeim verið nánast óbærilegt á stórmótum undanfarin ár.

Guðmundur Þórður Guðmundsson, landsliðsþjálfari Íslands, hefur verið einn þeirra sem hefur gagnrýnt álagið á leikmönnum á stórmótum og hefur meðal annars kallað álagið á leikmenn glórulaust.

Á sama fundi var samþykkt að leikmannahópar þjóðanna á HM verða stækkaðir úr 16 leikmönnum í 18. Byrjunarhópurinn verður einnig stækkaður úr 28 í 35 svo þjálfararnir geta dreift álaginu betur.