Kópavogsbær ætlar að kanna viðhorf íbúa á Kársnesi til þess að hraðahindranir verði fjarlægðar og hraðamyndavélakerfi verði sett upp ásamt því að umferðarhraði verði lækkaður.
Málið var rætt á fundi umhverfis- og samgöngunefndar Kópavogs sem fól umhverfissviði bæjarins að gera kostnaðargreiningu á uppsetningu á hraðamyndavélakerfi á Kársnesinu.
Meðal annars er ætlunin að lækka hámarkshraða á hluta Kópavogsbrautar í 30 kílómetra á klukkustund.
