Sara og Silla andlit Eylure á Íslandi

Breska augnháravörumerkið Eylure hefur fengið til liðs við sig Söru Dögg Johansen og Sigurlaugu Dröfn Bjarnadóttur, stofnendur og eigendur Reykjavik Makeup School. Sara og Silla völdu hvor sín uppáhalds augnhár frá Eylure og eru pakkarnir sérmerktir þeim.

Þetta er í fyrsta sinn sem farið er í samstarf af þessari stærðargráðu fyrir utan Bretland og Bandaríkin, þar sem leyfi fæst til þess að sérmerkja augnhárapakka.

„Við höfum alltaf verið miklir aðdáendur Eylure og vorum því mjög ánægðar þegar við fengum þær fréttir à sínum tíma að þau væri væntanleg til landsins. Eylure er elsta augnháramerkið í heiminum, stofnað árið 1947, og með eitt fjölbreyttasta vöruúrvalið. Um leið og þau komu í sölu tókum við þau inn í Reykjavik Makeup School og hafa nemendur okkar fengið þau augnhár í svokölluðum nemendakittum skólans. Því hefur samstarfið milli okkar og Eylure verið alveg frá því að merkið kom fyrst til landsins,“ segja þær Sara og Silla.

Þær hafi því ekki þurft að hugsa sig tvisvar um þegar frekara samstarf bauðst.

„Við elskum merkið og notum þau alltaf á okkur sjálfar og aðra þegar tilefni gefst. Því var aldrei spurningum um annað en að fara í þetta samstarf þegar þau buðu okkur að vera andlit merkisins á Íslandi.  Eylure hefur svo rosalega fjölbreytt úrval augnhára sem er mjög mikilvægt svo allir geti fundið augnhár sem henta.“

„Ég fíla yfirleitt léttari augnhár með þunnu bandi og valdi því Eylure Texture nr 117 og  Eylure Lengthening nr 105,“ útskýrir Silla. „Nr 117 eru mjög náttúruleg en samt mjög sparileg. Nr 105 eru örlítið ýktari og leggja áherslu á miðjuna svo þau opna augun vel.“ 

„Ég vil annaðhvort hafa augnhárin ýkt eins og Lux Barouqe eða náttúruleg augnhár eins og Duos & Trios sem er hægt að byggja upp hvort sem maður er að leita eftir þèttari eða lengri augnhárum,“ segir Sara.

Augnhárin sem Þær Sara og Silla völdu eru nú fáanleg í verslunum.

Myndirnar af Söru og Sillu tók Íris Dögg Einarsdóttir.



Þessi kynning er unnin í samstarfi við söluaðila Eylure.