Lögregla og björgunarsveitir leituðu manns fyrir norðan

Lögreglan á Norðurlandi eystra fékk beiðni um klukkan 17 í gær um eftirgrennslan eftir manni sem hafði ekki skilað sér heim.

Höfðu aðstandendur mannsins áhyggjur af því að hann væri í ójafnvægi og töldu mikilvægt að finna hann, að því er segir í tilkynningu frá lögreglunni á Norðurlandi eystra.

Lögreglan hóf leit að manninum ásamt björgunarsveitarmönnum á Eyjafjarðarsvæðinu. Fannst maðurinn á tólfta tímanum í gærkvöldi, heill á húfi, og fékk viðeigandi aðhlynningu.