Cruise birtir myndband af einstaklega flóknu áhættuatriði hans

Bandaríski leikarinn Tom Cruise leikur í flestum sínum áhættuatriðum sjálfur og á því varð engin breyting við tökur á nýjustu Mission Impossible myndinni.

Hefur Cruise birt myndband þar sem skyggnst er bak við tjöldin á atriði þar sem Cruise fer í fallhlífarstökk úr 25 þúsund feta hæð, sem eru um 7,6 kílómetrar.

Eins og sjá má í myndbandinu var það einstaklega flókið en samhliða Cruise stökk myndatökumaður til þess að festa stökkið á filmu. Til þess að ná sem bestri lýsingu var aðeins hægt að stökkva einu sinni á dag en mikill undirbúningur fór fram í vindgöngum.

Segir Christopher McQuarrie, leikstjóri myndarinnar, að alls hafi Cruise stokkið rúmlega 100 sinum til þess að ná hinu fullkomna skoti. Myndbandið má sjá hér að neðan.

A full year in the making. Check out how we did it. #MissionImpossible Falloutpic.twitter.com/FMsPWfSZfR

— Tom Cruise (@TomCruise) June 3, 2018