Hanna Birna og Katrín á topp 100

Hanna Birna Kristjánsdóttir, fyrrverandi ráðherra og borgarstjóri, og Katrín Jakobsdóttir forsætisráðherra eru á lista Apolitical yfir 100 áhrifamestu einstaklinga í jafnréttismálum fyrir árið 2018. Greint er frá þessu á vef Stjórnarráðsins.

Hanna Birna hefur verið í fararbroddi fyrir Women Political Leaders. 

Apolitical, sem er alþjóðlegur stefnumótunarvettvangur, kynnti listann í dag. Á listanum eru þeir einstaklingar sem þykja hafa skarað fram úr þegar kemur að jafnréttismálum hvort sem er með rannsóknum, stefnumótun, baráttu fyrir málefnum sem tengjast jafnrétti eða öðru.

Melinda Gates, annar stofnanda Bill & Melinda Gates foundation, Justin Trudeau, forsætisráðherra Kanada og Julia Gillard, fyrrverandi forsætisráðherra Ástralíu eru einnig á listanum. 

Hér má sjá listann og frétt Apolitcal.