Holloway vill ekki segja hvað hann er þungur

Risaniðurskurður fjaðurvigtarmeistarans Max Holloway er mikið á milli tannanna á fólki enda þarf hann að losa sig við mikla þyngd á stuttum tíma.

Holloway fékk kallið í bardaga um léttvigtarbeltið með sex daga fyrirvara og sagði næringarfræðingur hans þá að þetta yrði hans stærsti og erfiðasti niðurskurður.

Margir segja það vera stórhættulegt og Haraldur Nelson er á meðal þeirra sem hafa öskrað á UFC að stöðva svona rugl áður en einhver deyr.

Holloway settist niður með Ariel Helwani hjá MMAFighting í gær og þar neitaði hann að gefa upp hversu þungur hann hefði verið er hann fékk símtalið um að koma og hversu þungur hann væri núna.

Þeir félagar fara yfir marga hluti í skemmtilegu viðtali hér að neðan.