Conor skipað að taka sér tveggja mánaða frí

Conor McGregor fékk ansi mörg högg frá Floyd Mayweather um síðustu helgi og hefur nú verið skipað að fara í frí.

Læknar hafa sett hann í bann til 26. október og hann má hvorki boxa né glíma fyrr en þann 11. október.

Það kemur stundum fyrir að bardagakappar gefa skít í þessar skipanir lækna og sjálfur sagðist Conor vera til í að mæta strax aftur til æfinga.

Það er þó ekki talið líklegt að hann berjist aftur fyrr en í fyrsta lagi nóvember eða desember. Það verður þá örugglega hjá UFC.