Selfoss sigraði Leikni F

Leiknir frá Fáskrúðsfirði er svo gott sem fallið úr Inkasso deildinni eftir 2-0 tap gegn Selfossi á heimavelli í dag.

James Mack skoraði fyrsta mark Selfoss á 79. mínútu með skoti utan úr teig.

Leighton McIntosh innsiglaði svo sigur Selfoss á 90. mínútu með marki eftir sendingu frá Andy Pew.

Leiknir er á botni deildarinnar með 7 stig þegar aðeins fjórir leikir eru eftir. Þeir þurfa 9 stig til að ná ÍR í tíunda sætinu, svo stærðfræðilega er möguleikinn fyrir hendi, en verður að teljast ólíklegt að liðið haldi sér í deildinni.

Selfoss fara með sigrinum upp fyrir Fram í áttunda sætið með 24 stig.