Einfættur og kláraði eina erfiðustu þríþraut heims

Marokkóski íþróttamaðurinn Mohamed Lahna varð um helgina fyrsti einfætti einstaklingurinn til að klára Norseman exreme þríþrautina í Noregi. Hann er staddur hér á landi til að vinna með þróunardeild Össurar.

Mohamed Lahna fæddist án lærleggs í hægri fæti og hefur náð ótrúlegum árangri í þríþraut þrátt fyrir að hafa ekki hjólað fyrr en við 25 ára aldur og hlaupið í fyrsta sinn 27 ára.

Lahna, sem er nú 35 ára, keppti um helgina í Norseman extreme þríþrautinni þar sem hann synti 4 km, hjólaði 180 km, með einungis öðrum fæti, og hljóp 42 km.

Auk þess að vera fyrsti einfætti maðurinn til að klára þessa þrekraun lenti hann í einu af efstu 160 sætunum sem tryggir honum svokallaða svarta bolinn í verðlaun.

„Þetta er vegalengd í járnmannskeppninni og þetta hefur verið kallað erfiðasta þríþraut í heimi," segir segir Mohamed Lahna í samtali við fréttastofu.

Og hvernig gekk þetta?

„Þetta var mjög erfitt. En ég er svo ánægður með að vera fyrsti aflimaði maðurinn í heiminum sem fær svarta bolinn og lýkur keppni uppi á fjallinu. Ég er mjög ánægður og stoltur yfir að hafa lokið þessari keppni," segir Lahna.

Hann segir mikilvægt að hafa réttan búnað en í þríþrautinni þurfti hann sérstaka gerviútlimi fyrir hvert verkefni.

„Ég er svo ánægður með að vera hérna á meðal þeirra sem framleiða allan búnaðinn sem ég nota í keppni og í daglega lífinu. Það er magnað að sjá allt það sem er framleitt hérna á Íslandi."

Lahna segir það hafa verið einstaka tilfinningu að fara fram úr mörgum íþróttamönnum, sem ólíkt honum voru á tveimur jafnfljótum, í þríþrautinni um helgina.

„Það hvatti mig til að leggja harðar að mér. Jafnvel á leið upp fjallið fór ég fram úr öðrum keppendum. Þetta fannst mér gott og það hvatti mig áfram. Það hvatti mig til að fara lengra og hraðar," segir hann.

Lahna tók bronsverðlaunin í þríþraut á Ólynpíuleikum fatlaðra í Rio De Janeiro í fyrra og framundan eru æfingar fyrir fleiri mót, þar á meðal næstu Ólympíuleika sem eru eftir þrjú ár. „Á næsta ári byrjum við að keppa um

C1N03 að komast til Tókýó 2020," segir Lahna.