Måns Zelmerlöw fór á skeljarnar

Sumarfríi sænska söngvarans Måns Zelmerlöw og bresku leikkonunnar Ciara Janson til Króatíu lauk með að hjartaknúsarinn Måns fór á skeljarnar og bað Ciara.

Frá þessu greindu þau Ciara og Måns á Instagram-síðum sínum nú fyrir stundu. Má þar sjá mynd af þeim skötuhjúum þar sem Måns er með gítarinn sinn og er kominn niður á hné. Með myndinni fylgir textinn „Verðandi frú Z,“ segir Ciara.

Ciara notast þar við kassamerkið #happiestgirlinthewholewideworld, og segist með því vera hamingjusamasta kona í heimi.

Parið hefur við í sumarfríi á króatísku eyjunni Vis síðustu daga. Þau kynntust í brúðkaupi síðasta sumar og hafa þau sagt að Ciara hafi til að byrja með haft lítinn áhuga á Måns. Hann hafi þó síðar náð að heilla hana upp úr skónum.

Måns býr nú í heimalandi Ciara, sem þekktust er fyrir hlutverk sitt í sjónvarpsþáttaröðinni Hollyoaks. Hún á þriggja ára son úr fyrra sambandi.

Zelmerlöw er þekktastur fyrir að hafa unnið Eurovision með laginu Heroes árið 2015.

Mrs Z to be #happiestgirlinthewholewideworld

A post shared by Ciara Janson (@ciarajanson) on Jul 31, 2017 at 5:33am PDT

About last night... ️️️

A post shared by Måns Zelmerlöw (@manszelmerlow) on Jul 31, 2017 at 5:30am PDT