Versta byrjun meistaraefna í sögu tíu liða deildar

Valskonum var spáð Íslandsmeistaratitlinum í ár af þjálfurum, fyrirliðum og forráðamönnum liðanna í Pepsi-deild kvenna en hafa ekki staðið undir þeirri pressu í fyrstu þremur umferðunum.

Valsliðið tapaði í gær 3-0 á útivelli á móti Breiðabliki og hefur þar með aðeins náð í 3 stig af 9 mögulegum í Pepsi-deildinni í ár.

Þetta er versta byrjun í sögu tíu liða efstu deildar kvenna (frá 2008) hjá liði sem var spáð titlinum. Valskonur „bættu“ met Blika frá því í fyrra en Blikakonur náðu þá í fimm stig í fyrstu þremur leikjunum sínum.

Valsliðið hefur tapað báðum útileikjum sínum, fyrst 1-0 á móti Þór/KA fyrir norðan og svo 3-0 á móti Blikum á Kópavogsvellinum í gær. Báðir þeir mótherjar eru í hópi bestu liða deildarinnar og því var þetta allt annað en auðveld byrjun fyrir Valsliðið.

Valur vann 4-0 sigur á ÍBV í 2. umferðinni en öll mörkin komu þá á síðustu tuttugu mínútum leiksins. Valsliðið hefur því skorað öll mörk sumarsins á tuttugu mínútna kafla af þeim 270 mínútum sem eru búnir af Íslandsmótinu.

Verkefni Valsliðsins verður ekkert auðveldara í næsta leik en þá fá stelpurnar Íslandsmeistara Stjörnunnar í heimsókn.

Hér fyrir neðan má sjá þessu óvinsælu met sem Valsliðið hefur sett með þessari slöku byrjun sinni.



Fæst stig meistaraefna í fyrstu þremur leikjunum í 10 liða efstu deild kvenna:

3 - Valur, 2017

5 - Breiðablik, 2016

6 - Valur, 2009

6 - Stjarnan, 2014

Fæst mörk meistaraefna í fyrstu þremur leikjunum í 10 liða efstu deild kvenna:

4 - Valur, 2017

4 - Valur, 2011

5 - Breiðablik,  2012

5 - Breiðablik, 2016

Lélegasta markatala meistaraefna í fyrstu þremur leikjunum í 10 liða efstu deild kvenna:

0 - Valur, 2017

+2 - Valur, 2011

+3 - Breiðablik, 2016

+4 - Breiðablik,  2012

+5 - KR, 2008

Lið sem hefur verið spáð meistaratitlinum síðustu ár og árangur í fyrstu þremur leikjunum:

(Síðan að deildin varð að tíu liða deild sumarið 2008)

2017

Valur - 3 stig og 0 í markatölu (4-4)

2016

Breiðablik - 5 stig og +3 í markatölu (5-2)

2015

Breiðablik - 7 stig og +9 í markatölu (11-2)

2014

Stjarnan -  6 stig og +6 í markatölu (7-1)

2013

Stjarnan - 9 stig og +11 í markatölu (12-1)

2012

Breiðablik - 7 stig og +4 í markatölu (5-1)

2011

Valur - 7 stig og +2 í markatölu (4-2)

2010

Valur - 9 stig og +15 í markatölu (15-0)

2009

Valur - 6 stig og +10 í markatölu (15-5)

2008

KR - 9 stig og +5 í markatölu (8-3)