Enski boltinn

Ungir leikmenn fá langfæstu tækifærin í ensku úrvalsdeildinni

Óskar Ófeigur Jónsson skrifar
Kylian Mbappe hjá Mónakó er einn mest spennandi knattspyrnutáningur heims í dag. Hér er hann í landsleik með Frökkum á móti Spáni.
Kylian Mbappe hjá Mónakó er einn mest spennandi knattspyrnutáningur heims í dag. Hér er hann í landsleik með Frökkum á móti Spáni. Vísir/Getty
Það er mikill munur á tækifærum hjá ungum knattspyrnumönnum hvort þeir spila í ensku úrvalsdeildinni eða öðrum af bestu deildum Evrópu.

Opta hefur tekið saman leiki hjá knattspyrnumönnum sem hafa ekki haldið upp á tvítugsafmælið sitt og þar sker enska deildin sig mikið út úr.

Táningar hafa „bara“ spilað 130 leiki á þessu tímabili en það er minna en helmingur leikja táninga í spænsku deildinni sem er í næstneðsta sæti á þessum fróðlega lista.

Franskir táningar fá aftur á móti langflestu tækifærin en táningar í frönsku deildinni hafa þegar spilað 546 leiki á leiktíðinni eða rúmlega fjórum sinnum meira en jafnaldrar þeirra hjá ensku liðunum.

Frakkar koma upp með hvern heimklassa knattspyrnumanninn á fætur öðrum þessa dagana og ljóst að þeir eru að gera eitthvað rétt í að ala upp framtíðarfótboltamenn sína.

Það að táningarnir fái nóg af tækifærum í frönsku deildinni er án vafa ein af ástæðunum fyrir því.

Enska deildin er langneðst á þessum lista og það sem og slakt gengi enska landsliðsins á stórmótum er eitthvað sem Englendingar hljóta að hafa miklar áhyggjur af þessa dagana.



Flestir leikir táningar í toppdeildum Evrópu 2016-17:

546 - Franska deildin

284 - Ítalska deildin

284 - Þýska deildin

271 - Spænska deildin

130 - Enska deildin



Enski boltinn Fótbolti Ítalski boltinn Spænski boltinn Þýski boltinn

Mest lesið


Fleiri fréttir

Sjá meira


×

Mest lesið