Khabib lét Cormier kalla sjálfan sig aumingja

Í nýjasta upphitunarþætti fyrir UFC 209 hleypur Daniel Cormier, heimsmeistari í léttþungavigt, brjálaður á eftir Khabib Nurmagomedov sem keppir um bráðabirgðabeltið í léttvigt um helgina.

Cormier hafði þá komist að því að Khabib hafði gabbað hann illilega. Kennt honum rússneskt orð sem Cormier notaði ótt og títt. Vandamálið var að Cormier var sífellt að kalla sjálfan sig aumingja á rússnesku.

Allt var þetta þó á léttu nótunum og enginn meiddist. Í það minnsta ekki alvarlega.

Í nýjasta Embedded má líka sjá Stephen Thompson spila folf og margt annað skemmtilegt.

UFC 209 verður í beinni útsendingu á Stöð 2 Sport um næstu helgi.

Sjá má þáttinn hér að ofan.