Mér finnst ólíklegt að hann vilji fara í gólfið með mér Henry Birgir Gunnarsson skrifar 2. september 2016 06:00 Gunnar mætir aftur í búrið 19. nóvember. vísir/getty „Þetta er öflugur og verðugur andstæðingur,“ segir bardagakappinn Gunnar Nelson en UFC staðfesti í gær að hann myndi berjast við Suður-Kóreumanninn sterka Dong Hyun Kim í Belfast. Það sem meira er þá er þetta aðalbardagi kvöldsins á þessu bardagakvöldi. Kim er 34 ára gamall og situr í tíunda sæti á styrkleikalista UFC í veltivigtinni en Gunnar er í tólfta sæti. Hann hefur barist 26 sinnum og unnið 21 bardaga. Töpin eru aðeins þrjú og komu gegn heimsmeistaranum Tyron Woodley, Carlos Condit og Demian Maia sem vann sigur gegn Gunnari síðasta desember.Hann er ólseigur „Hann er ólseigur alls staðar. Mér finnst vera smá spassi í honum. Djöflagangur og það getur verið varasamt þegar svona góðir menn eru með djöflagang. Hann snýr sér og slær höndunum út í loftið. Er svolítið villtur,“ segir Gunnar en hann mun mæta tilbúinn í djöfulganginn. „Ég mun undirbúa mig vel fyrir það. Það er hægt að nýta sér þetta mjög vel til árása sjálfur og þetta getur líka verið erfitt ef maður er ekki viðbúinn og þessar árásir koma manni í opna skjöldu.“ Gunnar hefur aldrei haft þann sið að skora menn á hólm. Hann tekur því sem að honum kemur og kvartar aldrei. Fjölmargir andstæðingar hans hafa flúið af hólmi en Gunnar mætir alltaf. Hann er ánægður með að fá þennan bardaga. „Hann er fyrir ofan mig á styrkleikalistanum og það er frábært að fá svona andstæðing,“ segir Gunnar en Kim er, rétt eins og Gunnar, mikið í því að fara í gólfið með andstæðingum sínum. Býst Gunnar við því að Kom þori að fara í gólfið með honum?Vill líklega vera standandi „Mér finnst það ólíklegt. Ef hann vill fara í gólfið þá vill hann örugglega vera ofan á. Þá er spurning hvað hann ætlar sér þar. Ég hugsa að hann vilji frekar halda bardaganum standandi.“ Um leið og Gunnar fær andstæðing er hann eðlilega farinn að sjá fyrir sér hvernig bardaginn gæti orðið. „Ég sé fyrir mér að ég nái honum niður snemma eða hitti hann með höggi þegar hann er að djöflast eitthvað,“ segir Gunnar og geymir frekari pælingar þar til nær dregur bardaga. Eins og áður segir verður þessi veltivigtarbardagi aðalbardagi kvöldsins en það er mikill heiður fyrir Gunnar. Þetta er í annað sinn sem hann er aðalnúmerið á bardagakvöldi hjá UFC en hann var það einnig er hann barðist við Rick Story í Stokkhólmi. Gunnar er fóstursonur Írlands og býst við góðum stuðningi.grafík/fréttablaðiðReynslan mun hjálpa „Það er alveg frábært að fá aðalbardagann. Ég hef verið mikið á Írlandi og hef komið til Belfast. Það er fínt að vera þar. Ég hlakka mikið til að berjast fyrir framan Írana aftur,“ segir Mjölnismaðurinn en aðalbardagi hvers kvölds er fimm lotur en ekki þrjár. Gunnar fór í fimm lotur með Story á sínum tíma. „Það mun klárlega hjálpa mér að hafa gengið í gegnum þetta áður og vita hvernig þetta er. Maður lærir mikið um þrautseigju og hvernig á að dreifa orkunni. Þetta er mikið spurning um þol.“ Gunnar kláraði Rússann Albert Tumenov í síðasta bardaga sínum og gerði það með stæl. Hann ætlar að haga undirbúningi sínum á svipaðan hátt núna. „Ég byrja á að undirbúa mig hér og fæ stráka að utan til mín sem munu hjálpa mér að æfa. Halda áfram með það prógramm sem við byrjuðum á fyrir síðasta bardaga. Það svínvirkaði.“Búinn að jafna sig af meiðslum Það áttu margir von á því að sjá Gunnar á bardagakvöldi Conors McGregor í Las Vegas á dögunum en það var ekki hægt þar sem Gunnar var meiddur. „Ég meiddi mig aðeins í hnénu. Teygði aðeins á innra liðbandinu. Þetta var sem betur fer smávægilegt og ég er byrjaður að æfa á fullu aftur eftir um mánaðarhvíld. Þetta var sem betur fer ekki alvarlegt,“ segir Gunnar en hann ætlaði að ná fjórum bardögum á árinu en nær væntanlega aðeins tveimur. „Ég hef sagt það áður að ég er ömurlegur að plana og það kemur skýrt fram hér,“ segir Gunnar og glottir. MMA Mest lesið Arnar missti af ræsingu en vann: „Ha? Eru þau farin?“ Sport „Meiri möguleikar fyrir mig til þess að sýna mig í Evrópu“ Fótbolti Átök Arnars og Óskars hófust í yngri flokkum: Dramatík í úrslitum á Akureyri Íslenski boltinn Leverkusen að kaupa leikmann Liverpool fyrir metverð Fótbolti Samkomulag um kaupverð Kerkez í höfn Enski boltinn Tíu ára kylfingur fór holu í höggi á Íslandsmóti Golf Fiorentina muni ekki kaupa Albert en önnur ítölsk lið áhugasöm Fótbolti Pacers knúðu fram oddaleik Körfubolti Sjáðu þáttinn um TM-mótið: Stuðhundur, afi þjálfari og flottar fléttur Fótbolti „Verðum þarna úti með 23 leikmenn og 24 starfsmenn í kringum liðið“ Fótbolti Fleiri fréttir Benedikt í Fjölni Tveir frá Arsenal og Bournemouth tilnefndir með nýjustu stjörnu Chelsea Hilmar Smári og Ægir endursemja við Stjörnuna Snýr aftur á Álftanes með hunangið Bragi semur við nýliðana Tíu ára kylfingur fór holu í höggi á Íslandsmóti Fiorentina muni ekki kaupa Albert en önnur ítölsk lið áhugasöm Ekkert lið vill fara með óbragð í munni frá tíundu umferð Arnar missti af ræsingu en vann: „Ha? Eru þau farin?“ Samkomulag um kaupverð Kerkez í höfn Basile áfram á Króknum Andrea sló Íslandsmetið laust fyrir miðnætti „Verðum þarna úti með 23 leikmenn og 24 starfsmenn í kringum liðið“ Átök Arnars og Óskars hófust í yngri flokkum: Dramatík í úrslitum á Akureyri Leverkusen að kaupa leikmann Liverpool fyrir metverð Sjáðu þáttinn um TM-mótið: Stuðhundur, afi þjálfari og flottar fléttur Mbappé stoppaði stutt á spítalanum „Ætluðum ekki að leyfa þeim að fagna titli á okkar heimavelli“ Botafogo vann og hélt hreinu gegn PSG „Meiri möguleikar fyrir mig til þess að sýna mig í Evrópu“ Tvöfaldur Wimbledon meistari hefur ákveðið að hætta Pacers knúðu fram oddaleik Dagskráin í dag: Besta deild kvenna og golf í allan dag Manchester City fær milljón punda sekt fyrir tafir á leikjum „Vinna í því að verða heimsmeistarar á ný“ „Þetta var leikur smáatriða“ Dregið í undanúrslit Mjólkurbikarsins | Vestri fékk heimaleik Uppgjörið: Afturelding 0 - 1 Fram | Fram síðasta liðið áfram í undanúrslit Botnlið Fjölnis með óvæntan sigur á Þrótturum Messi með sigurmarkið úr aukaspyrnu fyrir Miami Sjá meira
„Þetta er öflugur og verðugur andstæðingur,“ segir bardagakappinn Gunnar Nelson en UFC staðfesti í gær að hann myndi berjast við Suður-Kóreumanninn sterka Dong Hyun Kim í Belfast. Það sem meira er þá er þetta aðalbardagi kvöldsins á þessu bardagakvöldi. Kim er 34 ára gamall og situr í tíunda sæti á styrkleikalista UFC í veltivigtinni en Gunnar er í tólfta sæti. Hann hefur barist 26 sinnum og unnið 21 bardaga. Töpin eru aðeins þrjú og komu gegn heimsmeistaranum Tyron Woodley, Carlos Condit og Demian Maia sem vann sigur gegn Gunnari síðasta desember.Hann er ólseigur „Hann er ólseigur alls staðar. Mér finnst vera smá spassi í honum. Djöflagangur og það getur verið varasamt þegar svona góðir menn eru með djöflagang. Hann snýr sér og slær höndunum út í loftið. Er svolítið villtur,“ segir Gunnar en hann mun mæta tilbúinn í djöfulganginn. „Ég mun undirbúa mig vel fyrir það. Það er hægt að nýta sér þetta mjög vel til árása sjálfur og þetta getur líka verið erfitt ef maður er ekki viðbúinn og þessar árásir koma manni í opna skjöldu.“ Gunnar hefur aldrei haft þann sið að skora menn á hólm. Hann tekur því sem að honum kemur og kvartar aldrei. Fjölmargir andstæðingar hans hafa flúið af hólmi en Gunnar mætir alltaf. Hann er ánægður með að fá þennan bardaga. „Hann er fyrir ofan mig á styrkleikalistanum og það er frábært að fá svona andstæðing,“ segir Gunnar en Kim er, rétt eins og Gunnar, mikið í því að fara í gólfið með andstæðingum sínum. Býst Gunnar við því að Kom þori að fara í gólfið með honum?Vill líklega vera standandi „Mér finnst það ólíklegt. Ef hann vill fara í gólfið þá vill hann örugglega vera ofan á. Þá er spurning hvað hann ætlar sér þar. Ég hugsa að hann vilji frekar halda bardaganum standandi.“ Um leið og Gunnar fær andstæðing er hann eðlilega farinn að sjá fyrir sér hvernig bardaginn gæti orðið. „Ég sé fyrir mér að ég nái honum niður snemma eða hitti hann með höggi þegar hann er að djöflast eitthvað,“ segir Gunnar og geymir frekari pælingar þar til nær dregur bardaga. Eins og áður segir verður þessi veltivigtarbardagi aðalbardagi kvöldsins en það er mikill heiður fyrir Gunnar. Þetta er í annað sinn sem hann er aðalnúmerið á bardagakvöldi hjá UFC en hann var það einnig er hann barðist við Rick Story í Stokkhólmi. Gunnar er fóstursonur Írlands og býst við góðum stuðningi.grafík/fréttablaðiðReynslan mun hjálpa „Það er alveg frábært að fá aðalbardagann. Ég hef verið mikið á Írlandi og hef komið til Belfast. Það er fínt að vera þar. Ég hlakka mikið til að berjast fyrir framan Írana aftur,“ segir Mjölnismaðurinn en aðalbardagi hvers kvölds er fimm lotur en ekki þrjár. Gunnar fór í fimm lotur með Story á sínum tíma. „Það mun klárlega hjálpa mér að hafa gengið í gegnum þetta áður og vita hvernig þetta er. Maður lærir mikið um þrautseigju og hvernig á að dreifa orkunni. Þetta er mikið spurning um þol.“ Gunnar kláraði Rússann Albert Tumenov í síðasta bardaga sínum og gerði það með stæl. Hann ætlar að haga undirbúningi sínum á svipaðan hátt núna. „Ég byrja á að undirbúa mig hér og fæ stráka að utan til mín sem munu hjálpa mér að æfa. Halda áfram með það prógramm sem við byrjuðum á fyrir síðasta bardaga. Það svínvirkaði.“Búinn að jafna sig af meiðslum Það áttu margir von á því að sjá Gunnar á bardagakvöldi Conors McGregor í Las Vegas á dögunum en það var ekki hægt þar sem Gunnar var meiddur. „Ég meiddi mig aðeins í hnénu. Teygði aðeins á innra liðbandinu. Þetta var sem betur fer smávægilegt og ég er byrjaður að æfa á fullu aftur eftir um mánaðarhvíld. Þetta var sem betur fer ekki alvarlegt,“ segir Gunnar en hann ætlaði að ná fjórum bardögum á árinu en nær væntanlega aðeins tveimur. „Ég hef sagt það áður að ég er ömurlegur að plana og það kemur skýrt fram hér,“ segir Gunnar og glottir.
MMA Mest lesið Arnar missti af ræsingu en vann: „Ha? Eru þau farin?“ Sport „Meiri möguleikar fyrir mig til þess að sýna mig í Evrópu“ Fótbolti Átök Arnars og Óskars hófust í yngri flokkum: Dramatík í úrslitum á Akureyri Íslenski boltinn Leverkusen að kaupa leikmann Liverpool fyrir metverð Fótbolti Samkomulag um kaupverð Kerkez í höfn Enski boltinn Tíu ára kylfingur fór holu í höggi á Íslandsmóti Golf Fiorentina muni ekki kaupa Albert en önnur ítölsk lið áhugasöm Fótbolti Pacers knúðu fram oddaleik Körfubolti Sjáðu þáttinn um TM-mótið: Stuðhundur, afi þjálfari og flottar fléttur Fótbolti „Verðum þarna úti með 23 leikmenn og 24 starfsmenn í kringum liðið“ Fótbolti Fleiri fréttir Benedikt í Fjölni Tveir frá Arsenal og Bournemouth tilnefndir með nýjustu stjörnu Chelsea Hilmar Smári og Ægir endursemja við Stjörnuna Snýr aftur á Álftanes með hunangið Bragi semur við nýliðana Tíu ára kylfingur fór holu í höggi á Íslandsmóti Fiorentina muni ekki kaupa Albert en önnur ítölsk lið áhugasöm Ekkert lið vill fara með óbragð í munni frá tíundu umferð Arnar missti af ræsingu en vann: „Ha? Eru þau farin?“ Samkomulag um kaupverð Kerkez í höfn Basile áfram á Króknum Andrea sló Íslandsmetið laust fyrir miðnætti „Verðum þarna úti með 23 leikmenn og 24 starfsmenn í kringum liðið“ Átök Arnars og Óskars hófust í yngri flokkum: Dramatík í úrslitum á Akureyri Leverkusen að kaupa leikmann Liverpool fyrir metverð Sjáðu þáttinn um TM-mótið: Stuðhundur, afi þjálfari og flottar fléttur Mbappé stoppaði stutt á spítalanum „Ætluðum ekki að leyfa þeim að fagna titli á okkar heimavelli“ Botafogo vann og hélt hreinu gegn PSG „Meiri möguleikar fyrir mig til þess að sýna mig í Evrópu“ Tvöfaldur Wimbledon meistari hefur ákveðið að hætta Pacers knúðu fram oddaleik Dagskráin í dag: Besta deild kvenna og golf í allan dag Manchester City fær milljón punda sekt fyrir tafir á leikjum „Vinna í því að verða heimsmeistarar á ný“ „Þetta var leikur smáatriða“ Dregið í undanúrslit Mjólkurbikarsins | Vestri fékk heimaleik Uppgjörið: Afturelding 0 - 1 Fram | Fram síðasta liðið áfram í undanúrslit Botnlið Fjölnis með óvæntan sigur á Þrótturum Messi með sigurmarkið úr aukaspyrnu fyrir Miami Sjá meira