Blaklandsliðið byrjaði vel

Ísland bar sigur úr býtum í fyrsta leik sínum í forkeppni HM/EM smáþjóða. Liðið mætti Skotum í Laugardalshöll í kvöld og vann í oddahrinu, 3-2.

Ísland vann fyrstu hrinuna, 25-21, en Skotar náðu að svara og vinna þá næstu sannfærandi, 25-15.

Strákarnir unnu svo þriðju hrinuna, 25-18, og voru nálægt því að klára leikinn í fjórðu hrinu er þeir komust í 22-20 forystu. Skotarnir náðu þó að vinna hrinuna að lokum, 25-23.

Lokahrinan var svo æsispennandi en svo fór að Ísland vann, 15-13.

Theódór Óskar Þorvaldssson var með átján stig fyrir Ísland og tvíburabræðurnir Kristán og Hafsteinn Valdimarssynir með fjórtán stig hvor.