Dagbók Júró-grúppíu: Og það er æft og æft og æft í Stokkhólmi Laufey Helga Guðmundsdóttir skrifar 6. maí 2016 09:40 Pýrófossins hans Hovi Star Mynd: Anna Velikova EBU Æfingar halda áfram hér í Stokkhólmi fyrir Eurovision enda þýðir ekkert annað þegar 200 milljón áhorfendur sitja fyrir framan sjónvarpsskjáinn og glápa. Ísraelar stigu á svið í fyrsta sinn í gær og þeir leggja mikið í sitt atriði líkt og fyrri ár. Þeir eru með grafík andlit í LED skjánum í gólfinu og tvo dansara í glimmerbúningum a la Páll Óskar í faðmlagi innan í risastórum húlahring sem rúllar um sviði. Þetta endar síðan allt í hefðbundnum gylltum pýrófossi (sumsé flugeldar sem fossa niður úr loftinu). Reyndar er Rykka frá Sviss líka með pýrófoss – það er alltaf klassískt og gott Júróvisjón múv. Og svo er Slóvenía líka að á sömu slóðum og Ísraelar hvað varðar fimleikahreyfingarnar því þeir eru með dansara á rosalega löngu priki. Að sjálfsögðu bæta þeir við pýrótækni í lok lagsins.Hovi með lipra dansara sér við hliðMynd Anna Velikova, EBUÍvan frá Hvíta-Rússlandi stóð nokkurn vegin við loforðið sitt um að koma nakinn fram og með lifandi úlf á sviði (hvorug tveggja bannað samkvæmt reglum EBU) – því auðvitað nýta þeir nýjustu tækni og varpa þessum atriðum á LED skjáina á sviðinu. Æfingin hans gekk mjög vel og því búast menn hér við að hann komist áfram upp úr seinni undankeppninni.Það að Poli Genova frá Búlgaríu er komin aftur í Eurovision er tilhlökkunarefni margra hér í Stokkhólmi. Hún söng sig inn í hjörtu Eurovision aðdáenda þegar hún keppti með Na Inat í Dusseldorf 2011. Poli mætir nú fimm árum seinna með stæl og rúllaði upp æfingunni í Globen í dag. Poli byrjar ein á sviðinu en fjöldi dansara birtist á skjá fyrir aftan hana. Í lok númersins koma síðan bakraddirnar fram á svið en þær eru allar vinkonur Poli. Hún klæðist mjög sérstökum búningi – einhvers konar endurskinsmerkjabúningi sem lýsist upp í lokin. Á blaðamannafundi eftir æfingu sagði Poli að þetta væri nýjasta tækni sem væri m.a. mjög vinsæl í Japan. Við hlökkum til að sjá meira af þessu! Mikið var klappað fyrir Poli í blaðamannahöllinni eftir æfingu en einhver skortur hefur verið á því hér í ár miðað við undanfarin ár.Mynd Anna Velikova (EBU)Úkraína mætir með sérstakt lag í ár og reyndar eru Eurovision framlög Úkraínumanna sérkapítuli út af fyrir sig og efni í heila fræðigrein. En hvað um það hér í Globen ríkti eftirvænting í dag meðal blaðamanna og aðdáenda að sjá hvernig atriðið kemur út á sviði. Lagið sem Jamala frá Úkraínu flytur heitir 1944 og fjallar um nauðaflutninga Stalínsstjórnarinnar á Töturum frá Krímskaga. Langamma Jamölu var numin á brott ásamt fimm börnum sínum á meðan eiginmaður hennar barðist með Sovétmönnum gegn nasistum. Dóttir þeirra lést á leiðinni. Í laginu er langt óm sem byrjar sem vögguljóð til dótturinnar en endar í kveini þegar langömmu Jamölu verður ljóst að barnið hefur dáið. Að mati einhverra þótti lagið verið sérstök sneið til Rússa en EBU hefur nú úrskurðað að lagið brjóti ekki í bága við reglur Eurovision sem banna allan pólitískan áróður. JamalaMynd: Andres Putting EBUÍ stuttu máli var æfing Jamölu í dag einstök. Hún grípur hvern einasta áhorfanda heljartaki og heldur honum í tregafullu faðmlagi í þrjár mínútur (já dramatík er viðeigandi hér). Lagið hefur verið sett upp á Globen sviðið með mjög viðeigandi hætti. Grafíkin sem er vaxandi greinar í allar áttir og vöxtur risastórs trés í lokin (það er alltaf tré í Eurovision!) passar mjög vel við lagið og tregafulla söngtúlkun Jamölu. Viðlagið syngur Jamala á tatarísku og er það í fyrsta skiptið sem við heyrum það tungumál í Eurovision. Þögn sló á blaðamannahöllina þegar æfing Jamölu hófst og endaði hún í dynjandi lófataki og flauti. Svei mér þá við erum kannski komin með svarta hrossið (e. dark horse)! Á blaðamannafundi eftir æfingu upplýsti Jamala að hún hafi verið mjög stressuð fyrir æfinguna því búningurinn hennar týndist á leið til Stokkhólms. Kjóllinn fannst þó nokkrum mínútum áður en hún átti að stíga á svið og andaði Jamala því léttar. Á dag verður önnur æfing Íslands. Við óskum Gretu Salóme og öllu hennar teymi góðs gengis!Fréttin birtist fyrst á heimasíðu Félags áhugafólks um söngvakeppni evrópskra sjónvarpsstöðva, FÁSES. Vísir fjallar um Eurovision í Stokkhólmi í samvinnu með FÁSES. Eurovision Mest lesið Fyrrverandi eiginmaður Kelly Clarkson látinn Lífið „Magnað innra ferðalag“ að horfast í augu við saklausa barnið í sér Lífið Nígerskt stjörnubrúðkaup í Hallgrímskirkju Lífið Hvers vegna fær Innrásin frá Mars núll í einkunn? Lífið Fann lausn við verkjunum sem breytti öllu Lífið samstarf McConaughey glutraði niður tækifærinu í Titanic Lífið Hver dáleiðsla er spennandi og ófyrirsjáanlegt ferðalag Lífið samstarf Stjörnulífið: „Þessi ætlar að ríða þessa Verslunarmannahelgina“ Lífið Þríbætti tíma kærastans í einni stærstu spyrnukeppni Evrópu Lífið Orðin vön ferðamönnum í garðinum og fagnar komu þeirra Lífið Fleiri fréttir Nígerskt stjörnubrúðkaup í Hallgrímskirkju „Magnað innra ferðalag“ að horfast í augu við saklausa barnið í sér Fyrrverandi eiginmaður Kelly Clarkson látinn Íhuga að skrifa bók um kaffihúsin á þúsund kílómetra hjólarúnti McConaughey glutraði niður tækifærinu í Titanic Orðin vön ferðamönnum í garðinum og fagnar komu þeirra Hvers vegna fær Innrásin frá Mars núll í einkunn? Stutt í að uppselt verði í heilt og hálft Þríbætti tíma kærastans í einni stærstu spyrnukeppni Evrópu Eftir þrettán ára nám fékk Saga bílpróf Ástralskur hommasirkus skemmtir börnum og fullorðnum í Tjarnarbíói Húsgögn úr afgöngum og fiskar í gosbrunninum Stjörnulífið: „Þessi ætlar að ríða þessa Verslunarmannahelgina“ Kveður föður sinn með tilvitnun í Hunter S. Thompson Walking Dead-leikkona látin Tók sterkan kjúklingabita í stað þess að styggja Íslendinga Gekk hringinn í kringum landið fyrir vannærð börn í Afríku Marín Manda og Hannes Frímann trúlofuð Terry Reid látinn Rekur sögu sósunnar sem allir elska: „Pítusósan fæddist í Asparfellinu“ Brjánn hefur göngu sína í haust: „Erum við að falla úr efstu deild í Norður-Kóreu?“ Samsæri tóbaksframleiðenda í reykfylltum bakherbergjum „Mig langar ekki lengur að deyja“ Loni Anderson er látin „Ég mun lifa á þessum degi út ævina“ Calvin Harris orðinn faðir Rod Stewart sýnir Ozzy taka sjálfur í himnaríki Myndaveisla: Ærandi pollagallastemming í Eyjum Skoðanabræður hætta göngu sinni: „Takk fyrir okkur“ Menningarperlan aftur komin í sitt gamla horf Sjá meira
Æfingar halda áfram hér í Stokkhólmi fyrir Eurovision enda þýðir ekkert annað þegar 200 milljón áhorfendur sitja fyrir framan sjónvarpsskjáinn og glápa. Ísraelar stigu á svið í fyrsta sinn í gær og þeir leggja mikið í sitt atriði líkt og fyrri ár. Þeir eru með grafík andlit í LED skjánum í gólfinu og tvo dansara í glimmerbúningum a la Páll Óskar í faðmlagi innan í risastórum húlahring sem rúllar um sviði. Þetta endar síðan allt í hefðbundnum gylltum pýrófossi (sumsé flugeldar sem fossa niður úr loftinu). Reyndar er Rykka frá Sviss líka með pýrófoss – það er alltaf klassískt og gott Júróvisjón múv. Og svo er Slóvenía líka að á sömu slóðum og Ísraelar hvað varðar fimleikahreyfingarnar því þeir eru með dansara á rosalega löngu priki. Að sjálfsögðu bæta þeir við pýrótækni í lok lagsins.Hovi með lipra dansara sér við hliðMynd Anna Velikova, EBUÍvan frá Hvíta-Rússlandi stóð nokkurn vegin við loforðið sitt um að koma nakinn fram og með lifandi úlf á sviði (hvorug tveggja bannað samkvæmt reglum EBU) – því auðvitað nýta þeir nýjustu tækni og varpa þessum atriðum á LED skjáina á sviðinu. Æfingin hans gekk mjög vel og því búast menn hér við að hann komist áfram upp úr seinni undankeppninni.Það að Poli Genova frá Búlgaríu er komin aftur í Eurovision er tilhlökkunarefni margra hér í Stokkhólmi. Hún söng sig inn í hjörtu Eurovision aðdáenda þegar hún keppti með Na Inat í Dusseldorf 2011. Poli mætir nú fimm árum seinna með stæl og rúllaði upp æfingunni í Globen í dag. Poli byrjar ein á sviðinu en fjöldi dansara birtist á skjá fyrir aftan hana. Í lok númersins koma síðan bakraddirnar fram á svið en þær eru allar vinkonur Poli. Hún klæðist mjög sérstökum búningi – einhvers konar endurskinsmerkjabúningi sem lýsist upp í lokin. Á blaðamannafundi eftir æfingu sagði Poli að þetta væri nýjasta tækni sem væri m.a. mjög vinsæl í Japan. Við hlökkum til að sjá meira af þessu! Mikið var klappað fyrir Poli í blaðamannahöllinni eftir æfingu en einhver skortur hefur verið á því hér í ár miðað við undanfarin ár.Mynd Anna Velikova (EBU)Úkraína mætir með sérstakt lag í ár og reyndar eru Eurovision framlög Úkraínumanna sérkapítuli út af fyrir sig og efni í heila fræðigrein. En hvað um það hér í Globen ríkti eftirvænting í dag meðal blaðamanna og aðdáenda að sjá hvernig atriðið kemur út á sviði. Lagið sem Jamala frá Úkraínu flytur heitir 1944 og fjallar um nauðaflutninga Stalínsstjórnarinnar á Töturum frá Krímskaga. Langamma Jamölu var numin á brott ásamt fimm börnum sínum á meðan eiginmaður hennar barðist með Sovétmönnum gegn nasistum. Dóttir þeirra lést á leiðinni. Í laginu er langt óm sem byrjar sem vögguljóð til dótturinnar en endar í kveini þegar langömmu Jamölu verður ljóst að barnið hefur dáið. Að mati einhverra þótti lagið verið sérstök sneið til Rússa en EBU hefur nú úrskurðað að lagið brjóti ekki í bága við reglur Eurovision sem banna allan pólitískan áróður. JamalaMynd: Andres Putting EBUÍ stuttu máli var æfing Jamölu í dag einstök. Hún grípur hvern einasta áhorfanda heljartaki og heldur honum í tregafullu faðmlagi í þrjár mínútur (já dramatík er viðeigandi hér). Lagið hefur verið sett upp á Globen sviðið með mjög viðeigandi hætti. Grafíkin sem er vaxandi greinar í allar áttir og vöxtur risastórs trés í lokin (það er alltaf tré í Eurovision!) passar mjög vel við lagið og tregafulla söngtúlkun Jamölu. Viðlagið syngur Jamala á tatarísku og er það í fyrsta skiptið sem við heyrum það tungumál í Eurovision. Þögn sló á blaðamannahöllina þegar æfing Jamölu hófst og endaði hún í dynjandi lófataki og flauti. Svei mér þá við erum kannski komin með svarta hrossið (e. dark horse)! Á blaðamannafundi eftir æfingu upplýsti Jamala að hún hafi verið mjög stressuð fyrir æfinguna því búningurinn hennar týndist á leið til Stokkhólms. Kjóllinn fannst þó nokkrum mínútum áður en hún átti að stíga á svið og andaði Jamala því léttar. Á dag verður önnur æfing Íslands. Við óskum Gretu Salóme og öllu hennar teymi góðs gengis!Fréttin birtist fyrst á heimasíðu Félags áhugafólks um söngvakeppni evrópskra sjónvarpsstöðva, FÁSES. Vísir fjallar um Eurovision í Stokkhólmi í samvinnu með FÁSES.
Eurovision Mest lesið Fyrrverandi eiginmaður Kelly Clarkson látinn Lífið „Magnað innra ferðalag“ að horfast í augu við saklausa barnið í sér Lífið Nígerskt stjörnubrúðkaup í Hallgrímskirkju Lífið Hvers vegna fær Innrásin frá Mars núll í einkunn? Lífið Fann lausn við verkjunum sem breytti öllu Lífið samstarf McConaughey glutraði niður tækifærinu í Titanic Lífið Hver dáleiðsla er spennandi og ófyrirsjáanlegt ferðalag Lífið samstarf Stjörnulífið: „Þessi ætlar að ríða þessa Verslunarmannahelgina“ Lífið Þríbætti tíma kærastans í einni stærstu spyrnukeppni Evrópu Lífið Orðin vön ferðamönnum í garðinum og fagnar komu þeirra Lífið Fleiri fréttir Nígerskt stjörnubrúðkaup í Hallgrímskirkju „Magnað innra ferðalag“ að horfast í augu við saklausa barnið í sér Fyrrverandi eiginmaður Kelly Clarkson látinn Íhuga að skrifa bók um kaffihúsin á þúsund kílómetra hjólarúnti McConaughey glutraði niður tækifærinu í Titanic Orðin vön ferðamönnum í garðinum og fagnar komu þeirra Hvers vegna fær Innrásin frá Mars núll í einkunn? Stutt í að uppselt verði í heilt og hálft Þríbætti tíma kærastans í einni stærstu spyrnukeppni Evrópu Eftir þrettán ára nám fékk Saga bílpróf Ástralskur hommasirkus skemmtir börnum og fullorðnum í Tjarnarbíói Húsgögn úr afgöngum og fiskar í gosbrunninum Stjörnulífið: „Þessi ætlar að ríða þessa Verslunarmannahelgina“ Kveður föður sinn með tilvitnun í Hunter S. Thompson Walking Dead-leikkona látin Tók sterkan kjúklingabita í stað þess að styggja Íslendinga Gekk hringinn í kringum landið fyrir vannærð börn í Afríku Marín Manda og Hannes Frímann trúlofuð Terry Reid látinn Rekur sögu sósunnar sem allir elska: „Pítusósan fæddist í Asparfellinu“ Brjánn hefur göngu sína í haust: „Erum við að falla úr efstu deild í Norður-Kóreu?“ Samsæri tóbaksframleiðenda í reykfylltum bakherbergjum „Mig langar ekki lengur að deyja“ Loni Anderson er látin „Ég mun lifa á þessum degi út ævina“ Calvin Harris orðinn faðir Rod Stewart sýnir Ozzy taka sjálfur í himnaríki Myndaveisla: Ærandi pollagallastemming í Eyjum Skoðanabræður hætta göngu sinni: „Takk fyrir okkur“ Menningarperlan aftur komin í sitt gamla horf Sjá meira