Conor við íslenskan blaðamann: I'm retired, fuck interviews

Conor McGregor neitaði blaðamanni mmafrettir.is um viðtal þegar eftir því var leitað í húsakynnum Mjölnis í kvöld.

Click here to read an English version of the story

McGregor kom til Íslands í gær og er að æfa með Gunnari Nelson, sem undirbýr sig nú fyrir bardaga gegn Rússanum Albert Tumenov í Rotterdam þann 8. maí.

Svar Írans var einfalt þegar Pétur Marinó Jónsson óskaði eftir viðtali við McGregor:

„No, I'm retired. Fuck interviews.“

Frétt MMA-frétta um málið má lesa hér.

Ariel Helwani, þekktasti MMA-fréttamaður heims, hefur tjáð sig um óvænta Twitter-færslu McGregor í kvöld. Heimildir Helwani herma að yfirlýsing McGregor sé ekki gabb.

Multiple sources are adamant at this time that McGregor's tweet isn't a joke, troll job or hoax of any kind. Reason(s) behind it is unclear.

— Ariel Helwani (@arielhelwani) April 19, 2016

Óhætt er að segja að óvissa í UFC-heiminum er mikil núna en McGregor átti að mæta Nate Diaz á UFC 200 í Las Vegas í júlí.

Stuttu eftir að McGregor birti yfirlýsingu sína lýsti Diaz því sjálfur yfir að hann væri hættur líka.