Fjör í lokaumferð NFL-deildarinnar

Það liggur nú fyrir hvaða lið mætast í fyrstu umferðinni í úrslitakeppni NFL-deildarinnar en lokaumferðin í deildarkeppninni fór fram í gær.

Denver Broncos náði frekar óvænt að vinna Ameríkudeildina en liðið þurfti að hafa mikið fyrir sigrinum gegn San Diego. Peyton Manning kom af bekknum í síðari hálfleik til að bjarga málum eftir að hafa misst af mörgum vikum vegna meiðsla.

Það sem gerði Brocos mögulegt að vinna Ameríkudeildina var klúður New England gegn Miami. New England engu að síður í öðru sæti Amueríkudeildarinnar og situr hjá í fyrstu umferð rétt eins og Broncos. Denver verður þó með heimavallarrétt.

Gærdagurinn var eflaust mjög sætur fyrir Rex Ryan, þjálfara Buffalo Bills. Fyrir ári síðan var hann rekinn frá NY Jets og í gær náði hann að koma í veg fyrir að Jets færi í úrslitakeppnina. Pittsburgh Steelers komst aftur á móti þangað.

Carolina vann Þjóðardeildina en liðið var með besta árangur allra liða í deildinni í vetur. Tapaði aðeins einum leik. Arizona situr einnig hjá í fyrstu umferð úrslitakeppninnar þó svo liðið hafi fengið skell gegn Seattle í gær. Enginn skal afskrifa Seattle í baráttunni sem er fram undan.

Eins og sjá má hér að neðan hefst úrslitakeppnin um næstu helgi með fjórum leikjum sem allir verða sýndir í beinni útsendingu á Stöð 2 Sport.

Úrslit:

Atlanta-New Orleans  17-20

Buffalo-NY Jets  22-17

Chicago-Detroit  20-24

Cincinnati-Baltimore  24-16

Cleveland-Pittsburgh  12-28

Dallas-Washington  23-34

Houston-Jacksonville  30-6

Indianapolis-Tennessee  30-24

Miami-New England  20-10

NY Giants-Philadelphia  30-35

Arizona-Seattle  6-36

Carolina-Tampa Bay  38-10

Denver-San Diego  27-20

Kansas City-Oakland  23-17

San Francisco-St. Louis  19-16

Green Bay-Minnesota  13-20

Fyrsta umferð úrslitakeppninnar (Wild Card-helgin):

Laugardagur:

Kl. 21.35: Houston Texans - Kansas City Chiefs

Kl. 01.15: Cincinnati Bengals - Pittsburgh Steelers

Sunnudagur:

Kl. 18.05: Minnesota Vikings - Seattle Seahawks

Kl. 21.40: Washington Redskins - Green Bay Packers

Þessi lið sitja hjá í fyrstu umferð:

Denver Broncos

New England Patriots

Carolina Panthers

Arizona Cardinals

Lokastaðan í deildarkeppninni.