Gott að platan var tilbúin

Björk ræddi lekann á nýjustu plötunni sinni, Vulnicura, við útvarpsmanninn Zane Lowe hjá BBC.

Leki plötunnar á netið varð til þess að hún ákvað að gefa hana út fyrr en áætlað var.

„Það er erfitt að segja til um hvernig maður á að bregðast við,“ sagði Björk. „Í mínu tilfelli hjálpaði mér eitt – platan var fullkláruð og alveg tilbúin. Ég veit ekki hvernig ég hefði brugðist við ef henni hefði verið lekið fjórum mánuðum fyrr. Það hefði getað orðið subbulegra.“