Fylgstu með Gunnari Nelson bakvið tjöldin í Las Vegas - Myndbönd

Vísir í samvinnu við Watchbox mun fylgjast grannt með gangi mála fyrir bardaga Gunnars Nelson og Demian Maia sem fram fer í Las Vegas aðfaranótt sunnudags.

Skemmtileg myndbönd eiga eftir að renna í gegnum spilarann hér að neðan og gefa lesendum Lífsins innsýn inn í líf Gunnars Nelson fyrir bardagann.

Brasilíumaðurinn Maia mætir Gunnari í búrinu á laugardaginn, en þessi þrautreyndi bardagakappi er í sjötta sæti á styrkleikalista veltivigtarinar í UFC. Gunnar er í 12. sæti.

Það sem þarf að gera er að hala niður Watchbox smáforritinu í snjallsímann. Síðan þarf að elta #teamGunni  og þá ertu með.

Ef þú vilt deila þinni sögu þá ýtir maður á myndavélina í hægra horninu, tekur upp einhverja snilld, hakar í #teamGunni og eftir það fara þín myndbönd inn í sameiginlega sögu allra. Góður vettvangur til að búa til stórt og mikið myndband frá öllum vígstöðum á landinu. Mikil umfjöllun er um Gunnar Nelson vestanhafs og er mikið fylgdarlið með honum í Vegas. Myndbönd frá þeim eiga eftir að renna inni í spilarann hér að neðan næstu daga.