Conor: Ég er UFC

Conor McGregor er ekki þekktur fyrir hógværð sína eins og sjá mátti á færslu sem hann setti á Instagram-síðuna sína í vikunni.

McGregor er á leið til Las Vegas þar sem hann mun berjast við Jose Aldo um titilinn í fjaðurvigt en þetta sama kvöld mun Gunnar Nelson mæta Demian Maia í veltivigtarbardaga.

Sjá einnig: Sjáðu Gunnar glíma við McGregor

Þeir McGregor og Aldo áttu að berjast í Las Vegas í sumar en þá þurfti sá síðarnefndi að hætta við vegna meiðsla. McGregor vann þá bráðabirgðatitil en sá stóri verður í húfi þegar þeir mætast loks 12. desember.

„Á leiðinni á vesturströndina,“ skrifaði McGregor sem ætlar sér vitanlega að ná titlinum af Aldo. „Þar fer ég fyrir UFC 194 sem er 90-100 milljóna dollara virði. Þessi viðburður ásamt UFC 189 þýðir að ég hef aflað UFC nálægt 200 milljónum í tekjur.“

„Ég er ekki UFC-maður. Ég er UFC,“ bætti hann við.

Leaving Ireland today for the West Coast. To unify my belt and spearhead the unprecedented $90-100million dollar UFC 194 event. This event along with UFC 189 putting me at close to $200million dollars in revenue generated for this company. All in less than 6months. I am not a company man. I am the company.

A photo posted by Conor McGregor Official (@thenotoriousmma) on Nov 22, 2015 at 10:08pm PST