Sjáðu Conor McGregor fara á kostum á æfingu í gær | Myndband

Írinn Conor McGregor sýndi í gær af hverju hann er orðinn aðalmaðurinn í UFC-heiminum.

Þá fór hann algjörlega á kostum á opinni æfingu á MGM Grand-hótelinu. Á meðan aðrir bardagakappar gátu ekki beðið eftir að komast út naut Conor hverrar mínútu.

Hann kom inn í salinn eins og stjarnan sem hann er. Með sólgleraugu og gaf öllum fimmur.

Hann tók svo lengstu æfingu í sögu opinna æfinga hjá UFC og fækkaði fötum eftir sem leið á æfinguna við mikil fagnaðarlæti viðstaddra.

Þetta er alvöru skemmtikraftur sem tekur starf sitt alvarlega. Hann sinnir því 100 prósent og það var magnað að fylgjast með honum.

Björn Guðgeir Sigurðsson tók upp myndskeiðið hér að ofan og klippti það einnig smekklega til.

Vísir er í Las Vegas og fylgir Gunnari Nelson eftir alla vikuna. Ekki missa af neinu. Like-aðu okkur á Facebook, eltu okkur á Twitter og skyggnstu bakvið tjöldin á Snapchat (sport365). Tryggðu þér svo áskrift á 365.is.