Aldrei unnið tvo fyrstu leikina í undankeppni

Strákarnir í íslenska karlalandsliðinu fá í kvöld kjörið tækifæri til að vera í fyrsta sinn með fullt hús eftir tvo leiki í undankeppni HM og EM. Ísland vann fyrsta leikinn í undankeppni EM 2016 á móti Tyrkjum og mætir Lettlandi í kvöld.

Íslenska karlalandsliðið í fótbolta hafði aðeins unnið fjórum sinnum sigur í fyrsta leik í undankeppni fyrir árið í ár og í öll fjögur skiptin hafði liðið þurft að sætta sig við tap í leik númer tvö.

Þetta er önnur undankeppni í röð sem íslenska liðið byrjar á sigri en fyrir tveimur árum tapaði liðið óvænt fyrir Kýpur í öðrum leik sínum.

Íslensku strákarnir ætla örugglega ekki að láta slíkt slys koma fyrir í Riga í kvöld en íslenska liðið er mun ofar en Lettland á Styrkleikalista FIFA.

Hér fyrir neðan má sjá yfirlit yfir þær undankeppnir íslenska karlalandsliðsins þar sem Ísland hefur verið með fullt hús eftir fyrsta leik.



Leikur tvö í undankeppni HM eða EM eftir sigur í fyrsta leik:

HM 1986

Fyrsti leikur: 1-0 sigur á Wales

Annar leikur: 0-3 tap fyrir Skotlandi

Dagar á milli leikja: 35

EM 1992

Fyrsti leikur: 2-0 sigur á Albaníu

Annar leikur: 1-2 tap fyrir Frakklandi

Dagar á milli leikja: 98

EM 2008

Fyrsti leikur: 3-0 sigur á Norður-Írlandi

Annar leikur: 0-2 tap fyrir Danmörku

Dagar á milli leikja: 4

HM 2014

Fyrsti leikur: 2-0 sigur á Noregi

Annar leikur: 0-1 tap fyrir Kýpur

Dagar á milli leikja: 4

EM 2016

Fyrsti leikur: 3-0 sigur á Tyrklandi

Annar leikur: Á móti Lettlandi í kvöld

Dagar á milli leikja: 31