Hólmar á förum frá Bochum

Knattspyrnumaðurinn Hólmar Örn Eyjólfsson er á förum frá þýska félaginu Bochum eftir að hafa spilað með því í undanfarin þrjú ár. Þetta staðfesti Hólmar í samtali við Morgunblaðið í dag.

Hólmar sagðist hafa hafnað tilboði Bochum um nýjan samning og væri að leitast eftir nýju félagi. Félög í Þýskalandi koma þar til greina en að hann væri með opin hug hvert næsta skref yrði.

Hólmar sem er 23 árs gamall varnarmaður á að baki einn leik fyrir landslið Íslands og 27 leiki með 21-árs landsliði Íslands sem er met í þeim aldursflokki.