Oddvitaáskorunin - Saman byggjum við samfélag

Vísir stendur fyrir Oddvitaáskoruninni 2014 þar sem skorað er á oddvita allra flokka í kjördæmum um land allt að taka þátt.

Daníel Jakobsson leiðir lista Sjálfstæðisflokksins í Ísafjarðarbæ í sveitarstjórnarkosningunum í vor.

Ég er alinn upp hér á Ísafirði en flutti svo í burtu eftir gagnfræðaskóla í 20 ár og kom til baka 2010 þegar að ég var ráðinn bæjarstjóri.

Þetta er sennilega besta ákvörðun sem að ég hef tekið því að hér líður mér afar vel. Helstu áhugamál mín eru skíði, golf og útivera og það er auðvelt að sinna þeim hér. Á vorin er meira að segja stundumhægt að skíðaniður á golfvöll.

Ég er 40 ára gamall og á þrjú börn sem eru 8, 13 og 14 ára.

Þetta er í fyrsta sinn sem að ég er í framboði til sveitarstjórnarkosninga. Ég hef hinsvegar alltaf verið mjög pólitískur og haft skoðanir og fylgst með frá að ég var lítill strákur. Að þessum kosningum loknum ætlað ég að hætta sem bæjarstjóri en vildi samt láta gott af mér leiða og gaf þess vegna kost á mér sem bæjarfulltrúi, því saman byggjum við samfélag.

YFIRHEYRSLAN

Hver er fallegasti staðurinn á Íslandi?

Hornvík og Hornströndum.

Hundar eða kettir?

Hundar.

Hver er stærsta stundin í lífinu?

Fæðing frumburðarins.

Hver er uppáhaldsmaturinn þinn?

Pulsur ekki pylsur.

Hvernig bíl ekur þú?

Volkswagen.

Besta minningin?

Lifi en á Fossavatnsskíðagöngunni sem fram fór 3. maí. s.l. Veðrið var þannig að ekki er hægt að toppa það.

Hefur þú verið tekinn af lögreglunni?

Já því miður.

Hverju sérðu mest eftir?

Engu geri oft mistök en reyni að læra af þeim.

Draumaferðalagið?

Norður Kórea heillar.

Hefur þú migið í saltan sjó?

Já, var á frystitogara með skóla.

Hvað er það skrýtnasta sem þú hefur gert?

Hef gert margt skrýtið en man ekki hvað er skrýtnast.

Hefur þú viðurkennt mistök?

Já aftur og aftur.

Hverju ertu stoltastur af?

Börnunum mínum.

Fram að sveitarstjórnarkosningunum 31. maí munum við birta kynningu á oddvitum víðsvegar um landið. Allir oddvitar geta tekið þátt í Oddvitaáskorun Vísis. Nánari upplýsingar er hægt að nálgast á netfanginu samuel@365.is.