Endurkoma Slóvakíu dugði ekki til | Myndband

Tékkland tryggði sér sæti í fjórðungsúrlslitum í íshokkí karla á Vetrarólympíuleikunum í Sotsjí eftir sigur á Slóvakíu í dag, 5-3.

Tékkar komust í 4-0 forystu með mörkum þeirra Alex Hemsky, David Krejci og Roman Cervenka en sá síðastnefndi skoraði tvö þeirra.

En Slóvakar komu til baka með því að skora þrjú mörk á tíu mínútna kafla. Marian Hossa skoraði tvö og Tomas Surovy eitt.

Það fór því um Tékkana sem tryggðu sér að lokum 5-3 sigur með marki Tomas Plekanec á lokamínútu leiksins.

Mörkin úr leiknum má sjá í spilaranum hér fyrir ofan.



Leikirnir í fjórðungsúrslitum á morgun:

Svíþjóð - Slóvenía (kl. 08.00)

Finnland - Rússland (kl. 12.30)

Kanada - Lettland (kl. 17.00)

Bandaríkin - Tékkland (kl. 17.00)