Tíu þjóðir eiga leikmann í Víkingi

Víkingar úr Ólafsvík hafa samið við spænska varnarmanninn Kiko Insa og króatíska varnarmanninn Mate Jujilo sem báðir verða löglegir fyrir leikinn á móti Keflavík í Pepsi-deildinni í kvöld.

Framherjinn Arnar Már Björgvinsson er einnig kominn á láni frá Blikum.

Þetta þýðir að leikmenn af tíu þjóðernum eru nú í leikmannahópi Ólsara.

Auk Íslendinga hafa spilað með liðinu tveir Bosníumenn, einn Pólverji, einn Slóveni, einn Serbi, einn Letti og einn Tógómaður auk þess að Færeyingurinn Karl Lökin var á bekknum í báðum leikjunum.

Erlendir leikmenn í liði Víkinga:

Kaspars Ikstens, Lettland

Abdel-Farid Zato-Arouna, Tógó

Damir Muminovic, Serbía

Eldar Masic, Bosnía

Emir Dokara, Bosnía

Jernej Leskovar, Slóvenía

Tomasz Luba, Pólland

Karl Lökin, Færeyjar

Insa Bohigues Fransisco, Spánn

Mate Jujilo, Króatía