Spáin: Breiðablik hafnar í 4. sæti

Íþróttadeild Vísis og Fréttablaðsins spáir í spilin fyrir Pepsi-deild karla sem hefst þann 5. maí næstkomandi. Við spáum því að Breiðablik hafni í 4. sæti.

Breiðablik komst aldrei ofar í töflunni á síðustu leiktíð en fjórða sæti þar til sigur á Stjörnunni í lokaumferðinni lyfti liðinu í annað sætið. Frábær endir á um margt undarlegu tímabili.

Liðið er sterkara í ár með Gunnleif í markinu auk þess sem Daninn Nichlas Rohde verður með liðinu frá fyrsta leik. Ungu strákarnir eru árinu eldri auk þess sem Guðjón Pétur og Ellert styrkja hópinn til muna. Liðið verður í toppbaráttunni og gangi allt eftir gæti sumarið orðið eftirminnilegt.

Stjarnan: Gunnleifur Gunnleifsson

Blikar opnuðu veskið í vetur og fjárfestu í landsliðsmarkverðinum. Með Gulla á milli stanganna hafa Blikar reynslubolta sem hefur unnið allt og ætti að geta miðlað af reynslunni til ungu strákanna.

Þjálfarinn

Ólafur Kristjánsson er 44 ára gamall og á sínu áttunda tímabili með liðið. Þetta er annað félagið sem hann þjálfar í efstu deild en hann þjálfaði áður Fram. Á að baki níu tímabil sem þjálfari í efstu deild (165 leikir, 64 sigrar, 48 prósent).

Nýju andlitin

Ellert Hreinsson (Stjarnan)

Guðjón Pétur Lýðsson (Valur)

Gunnleifur V. Gunnleifsson (FH)

Nichlas Rohde (úr láni)

Jökull I. Elísabetarson (úr láni)

Árni Vilhjálmsson (úr láni)



Fylgstu með þessum:

Elfar Árni Aðalsteinsson  – Húsvíkingurinn hefur verið sjóðandi heitur í vetur.

Hvað er langt síðan

… liðið varð meistari – 3 ár

… liðið spilaði í b-deild – 8 ár

 … liðið féll úr deildinni – 12 ár  

… liðið varð bikarmeistari – 4 ár

… liðið átti markakóng deildarinnar – 7 ár

… liðið fékk á sig fæst mörk í deildinni – 3 ár

Einkunnaspjaldið

Vörnin 4/5

Sóknin 3/5

Þjálfarinn 4/5

Breiddin 3/5

Íslandsmeistari: 1 (2010)

Bikarmeistari: 1 (2009)

Spáin:

1. sæti: ???

2. sæti: ???

3. sæti: ???

4. sæti: Breiðablik

5. sæti: Valur

6. sæti: Fylkir

7. sæti: Fram

8. sæti: ÍA

9. sæti: ÍBV

10. sæti: Þór

11. sæti: Keflavík

12. sæti: Víkingur Ó.