Spáin: KR hafnar í 2. sæti

Íþróttadeild Vísis og Fréttablaðsins spáir í spilin fyrir Pepsi-deild karla sem hefst þann 5. maí næstkomandi. Við spáum því að KR hafni í 2. sæti.

Krafan í Vesturbænum er alltaf Íslandsmeistaratitill og engin breyting er á því í ár. Týndi sonurinn Brynjar Björn Gunnarsson er kominn heim eftir langa dvöl erlendis og hópurinn er nautsterkur.

Meiðsli Kjartans Henry veikja liðið fram á við auk þess sem hörkutólin á miðjunni eru lítið skapandi fram á við.

Áhyggjuefni er hvernig liðið brotnaði undir lok síðasta sumars. Vonandi er neistinn kominn aftur því KR er með lið til að tendra hátíðarbál í lok tímabils

Stjarnan: Óskar Örn Hauksson

Þegar Óskar Örn nær sér á strik eiga andstæðingar KR-inga ekki von á góðu. Kantmaðurinn knái hefur fært sig yfir á hægri kantinn svo vinstri bakverðir landsins geta farið að kvíða því að mæta KR.

Þjálfarinn

Rúnar Kristinsson er 43 ára gamall og á sínu fjórða tímabili með liðið. Hann tók við liðinu á miðju sumri 2010 og er þetta hans fyrsta þjálfarastarf. Á að baki þrjú tímabil sem þjálfari í efstu deild (55 leikir, 31 sigur, 65 prósent).

Nýju andlitin

Andri Ólafsson frá ÍBV

Brynjar Björn Gunnarsson frá Reading

Óskar Örn Hauksson frá Sandnes Ulf (úr láni)

Egill Jónsson frá Selfossi (úr láni)

Torfi Karl Ólafsson frá Víkingi Ó. (úr láni)

Fylgstu með þessum:

Atli Sigurjónsson  – Hefur hæfileikana en skortir traust þjálfarans.

Hvað er langt síðan

… liðið varð meistari – 2 ár

… liðið var ekki meðal fjögurra efstu – 6 ár

… Brynjar Björn Gunnarsson spilaði á Íslandi – 16 ár  

… liðið varð bikarmeistari – 1 ár

… liðið spilaði í B-deild – 35 ár

… liðið spilaði ekki í Evrópuk. – 5 ár

Einkunnaspjaldið

Vörnin 4/5

Sóknin 4/5

Þjálfarinn 4/5

Breiddin 5/5

Íslandsmeistari: 25 (síðast 2011)

Bikarmeistari: 13 (síðast 2012)

Spáin:

1. sæti: ???

2. sæti: KR

3. sæti: Stjarnan

4. sæti: Breiðablik

5. sæti: Valur

6. sæti: Fylkir

7. sæti: Fram

8. sæti: ÍA

9. sæti: ÍBV

10. sæti: Þór

11. sæti: Keflavík

12. sæti: Víkingur Ó.