Gary Martin vill fá aðstoð fyrir bílprófið

Gary Martin, leikmaður KR, ætlar að reyna aftur við bílprófið hér á landi. En hann hefur sent út hjálparbeiðni.

Martin hefur reglulega vakið máls á ökuréttindamálum sínum á Twitter-síðu sinni síðan hann kom til Íslands fyrst.

Hann hefur nokkrum sinnum þreytt bílpróf hér á landi en átt erfitt með bóklega hlutann. Nú hefur hann sent út hjálparbeiðni á Twitter-síðu sinni þar sem hann óskar eftir aðstoð, eins og sjá má hér.

Martin kom til Íslands árið 2010 og spilaði með ÍA þar til hann gekk til liðs við KR um mitt tímabil í fyrra. Hann er á 23. aldursári.

Uppfært 22.22: Gary Martin segir á Twitter að hann hafi ekki tekið bóklega hluta bílprófsins á Íslandi áður. Það leiðréttist hér með. Í janúar greindi hann frá því að hann hafi fallið á bílprófinu í annað skipti.