Spáin: Fram hafnar í 7. sæti

Íþróttadeild Vísis og Fréttablaðsins spáir í spilin fyrir Pepsi-deild karla sem hefst þann 5. maí næstkomandi. Við spáum því að Fram hafni í 7. sæti deildarinnar.

Órói hefur verið í herbúðum Framara á undirbúningstímanum. Tveir uppaldir miðverðir yfirgáfu liðið í fússi og stjörnuframherjinn Steven Lennon hefur lítið spilað vegna meiðsla. Árangur liðsins undir stjórn Þorvaldar Örlygssonar hefur versnað með hverju árinu eftir fínan árangur 2008 og 2009.

Viktor Bjarki gæti blómstrað á nýjum stað eftir að KR lét hann fara og Ólafur Örn Bjarnason gæti verið leiðtoginn sem þeir bláu þurfa í vörninni. Leikmannahópur Framara er nokkuð sterkur en of margir spiluðu undir pari í fyrra. Spili Sam Hewson og Lennon af eðlilegri getu og Bjarni Hólm kemst í form gætu Framarar tekið stig af hvaða liði sem er.

Stjarnan: Steven Lennon

Meiðsli plöguðu Lennon sumarið 2012 og eilíf umræða um brottför í stærra lið hefur ekki hjálpað. Lennon þarf að sanna sig á nýjan leik og einbeita sér að því að hjálpa liði sínu.

Þjálfarinn:

Þorvaldur Örlygsson er 46 ára gamall og á sínu sjötta tímabili með liðið. Hann hefur líka þjálfað KA í þrjú ár í efstu deild. Á að baki átta tímabil sem þjálfari í efstu deild (164 leikir, 62 sigrar, 48 prósent).

Nýju andlitin:

Bjarni Hólm Aðalsteinsson (Noregur)

Haukur Baldvinsson (Breiðablik)

Ólafur Örn Bjarnason (Grindavík)

Viktor Bjarki Arnarsson (KR)

Halldór Arnarsson (ÍR)

Helgi Sigurðsson (Víkingur)

Fylgstu með þessum:

Hólmbert Aron Friðjónsson  – Tæknilegur kantmaður sem fékk eldskírn í fyrra.

Hvað er langt síðan ...

... liðið varð meistari – 23 ár

...liðið var inn á topp þrjú – 5 ár

...liðið spilaði í B-deild – 7 ár  

... liðið varð bikarmeistari – 24 ár  

... liðið átti markakóng deildarinnar – 6 ár

...Helgi Sigurðsson lék með liðinu í efstu deild – 16 ár.

Einkunnaspjaldið:

Vörnin  3/5

Sóknin  3/5

Þjálfarinn  3/5

Breiddin  1/5

Íslandsmeistari:

18 sinnum (síðast 1990)

Bikarmeistari:

7 (1989)

Spáin:

1. sæti: ???

2. sæti: ???

3. sæti: ???

4. sæti: ???

5. sæti: ???

6. sæti: ???

7. sæti: Fram

8. sæti: ÍA

9. sæti: ÍBV

10. sæti: Þór

11. sæti: Keflavík

12. sæti: Víkingur Ólafsvík