Sigurganga Skagamanna heldur áfram - myndir

Skagamenn ætla ekki að gefa neitt eftir í Pepsi-deildinni en nýliðarnir hafa fullt hús eftir fjórar fyrstu umferðinar. ÍA-liðið vann dramatískan 3-2 sigur á Keflavík á Akranesi í kvöld þar sem að varamaðurinn Garðar Bergmann Gunnlaugsson skoraði sigurmarkið í blálokin.

Garðar var að skora sitt fyrsta mark í Pepsi-deildinni í sumar en þetta var í þriðja sinn sem varamaður tryggði ÍA þrjú stig í fyrstu fjórum umferðunum Pepsi-deildarinnar í ár.

Guðmundur Bjarki Halldórsson, ljósmyndari Fréttablaðsins og Vísis, var á leik ÍA og Keflavíkur á Akranesvelli í kvöld og náði þessum skemmtilegu myndum. Myndirnar má sjá í albúminu hér að neðan. Hægt er að sjá myndirnar stærri með því að smella á þær.