Bjarni Guðjóns kominn upp fyrir þjálfarana sína á fyrirliða-listanum

Tölfræði twitter-síða KR-inga, KRstats, segir frá því í dag að Bjarni Guðjónsson sé kominn upp fyrir þjálfara sína, Rúnar Kristinsson og Pétur Pétursson, yfir fjölda leikja sem fyrirliði KR í efstu deild. Bjarni er á sínu þriðja ári sem fyrirliði en sigurleikurinn á móti FH í gær var hans 46. leikur sem fyrirliði KR-liðsins í Pepsi-deildinni.

Það eru bara tveir leikmenn sem hafa borið fyrirliðaband KR oftar en Bjarni á síðustu áratugum samkvæmt tölfræðisíðu KR en það eru þeir Þormóður Egilsson (110) og Kristján Finnbogason (66).

KR hefur unnið 25 af þessum 46 leikjum Bjarna sem fyrirliða en það er betri árangur en liðið náði þegar þeir Rúnar og Bjarni voru fyrirliðar fyrir tveimur áratugum síðan. Hér fyrir neðan má sjá smá yfirlit yfir leiki Bjarna, Péturs og Rúnar sem fyrirliða KR.



Bjarni Guðjónsson sem fyrirliði KR

2012 - 5 leikir (3 sigrar, 10 stig)

2011 - 21 leikur (12 sigrar, 44 stig)

2010 - 20 leikir (10 sigrar, 35 stig)

2010-2012 - 46 leikir (25 sigrar, 89 stig)

Pétur Pétursson sem fyrirliði KR

1989 - 13 leikir (6 sigrar, 21 stig)

1990 - 18 leikir (12 sigrar, 38 stig)

1991 - 13 leikir (5 sigrar, 18 stig)

1989-1991 - 44 leikir (23 sigrar, 77 stig)

Rúnar Kristinsson sem fyrirliði KR

1992 - 17 leikir (10 sigrar, 34 stig)

1993 - 16 leikir (6 sigrar, 20 stig)

1994 - 11 leikir (4 sigrar, 15 stig)

1992-1994 - 44 leikir (20 sigrar, 69 stig)