Ondo gerði munnlegt samkomulag við Grindavík

Gilles Mbang Ondo spilar áfram með Grindavík ef hann kemur aftur til Íslands samkvæmt munnlegu samkomulagi sem hann gerði við félagið.

Þetta segir Þorsteinn Gunnarsson, formaður knattspyrnudeildar Grindavíkur, í samtali við Vísi.

Ondo hefur spilað með Grindavík undanfarin þrjú tímabil og var markakóngur Pepsi-deildar karla í sumar. Hann skoraði fjórtán mörk í deildinni.

Þorsteinn telur þó ólíklegt að hann komi aftur til Íslands fyrir næsta tímabil.

„Hann er nú að reyna fyrir sér úti og ég á ekki von á því að hann verði í miklum vandræðum með að finna sér nýtt félag," sagði Þorsteinn.