Jóhann Þórhallsson búinn að skrifa undir nýjan samning við Fylki

Jóhann Þórhallsson verður áfram í Fylki þótt að hans gamla lið Þór sé komið aftur upp í úrvalsdeild karla. Jóhann er búinn að skrifa undir tveggja ára samning við félagið en samningur hans var runninn út. Þetta kom fram á heimasíðu Fylkis.

Jóhann hefur spilað undanfarin þrjú tímabil með Fylki en hann kom til liðsins fyrir sumarið 2008. Jóhann skoraði 9 mörk í 20 leikjum í Pepsi-deild karla í sumar og hefur alls skorað 15 mörk í 48 deildarleikjum með Fylki í efstu deild.

Jóhann sem er þrítugu er orðinn fjórði markahæsti leikmaður Fylkis í úrvalsdeild karla á eftir þeim Sævari Þór Gíslasyni, Kristni Tómassyni, Alberti Ingasyni og Sverri Sverrissyni.