Albert verður áfram í Eyjum

Markvörðurinn Albert Sævarsson mun verja mark ÍBV á næstu leiktíð. Þetta staðfesti Albert við Vísi í dag.

"Þeir vilja halda mér og ég vil vera áfram. Þeir eru að bíða eftir að ég komi með eitthvað en þetta verður ekkert mál. Ég er ekkert að stressa mig," sagði markvörðurinn og vítaskyttan.

Albert átti frábært sumar í marki ÍBV og frammistaða hans átti stóran þátt í mögnuðu gengi ÍBV í sumar.

"Þetta var virkilega skemmtilegt sumar. Ég fór svo í liðþófaaðgerð og er jafna mig á henni. Þegar ég verð orðinn góður fer ég í það að klára þetta en það verður ekkert mál."