Monfils ekki með á Wimbledon

Frakkinn Gael Monfils mun ekki taka þátt í Wimbledon-mótinu í tennis þar sem hann meiddist á úlnlið fyrir skömmu.

Þetta eru mikil vonbrigði fyrir Frakka enda Monfils einn þeirra besti tenniskappi í einliðaleik karla í dag. Hans besti árangur á stórmóti er að komast í undanúrslit opna franska meistaramótsins í fyrra.

Monfils var í fjórtánda sæti styrkleikalista mótsins en dettur nú af listanum. Þjóðverjinn Tommy Haas kemur inn á listann sem telur 32 kappa og beint upp í 24. sæti.

Haas kom mörgum á óvart þegar hann vann Novak Djokovic á móti á sunnudaginn síðastliðinn.