Vick kominn í stofufangelsi

Fyrrum NFL-stjarnan Michael Vick losnaði í dag úr fangelsinu þar sem hann hefur verið síðustu nítján mánuði.

Hann er þó ekki alveg laus allra mála því hann verður í stofufangelsi næstu tvo mánuði. Hann mun einnig þurfa að bera ökklaband sem sýnir staðsetningu hans.

Vick hyggur á endurkoma í NFL-deildina þegar hann verður endanlega búinn með afplánunina.

Fimm félög hafa verið orðuð við hann enn sem komið er en fullsnemmt er að segja til um hvert hann fer á endanum

Vick er almennt talinn einhver hæfileikaríkasti leikmaður sem spilað hefur í NFL og hann var um tíma launahæsti leikmaður deildarinnar.

Þá fór hann í fangelsi og varð í kjölfarið gjaldþrota. Hann þarf því að spila aftur til þess að borga skuldir áður en hann getur farið að safna í sjóð á nýjan leik.