Ólafur Ragnar Grímsson forseti Íslands bauð Al Core, fyrrverandi varaforseta Bandaríkjanna, á fund með stjórnendum Glitnis banka í byrjun árs 2007.
Forsetinn hefur birt á heimasíðu sinni átta af þeim sautján bréfum sem Rannsóknarnefnd Alþingis fékk send. Í bréfi sem forsetinn sendi Gore segir hann að lykilstjórnendur Glitnis myndu vilja funda með Gore, einkum til að ræða ákvörðun þeirra um að stofna alþjóðlegan fjárfestingarsjóð fyrir hreina orku með sérstaka áherslu á fjárfestingar í jarðhitaverkefnum í Bandaríkjunum.
Forsetinn Íslands sagðist í samtali við Stöð 2 í byrjun mánaðarins engin bréf hafa sent til þjóðarleiðtoga í þágu íslensku bankanna, en Al Gore var fyrrverandi varaforseti þegar bréfið var sent.
Bauð Gore á fund með stjórnendum Glitnis
Tengdar fréttir
Skrifaði engin bréf í þágu íslenskra fjármálafyrirtækja
Forseti Íslands segist engin bréf hafa skrifað til þjóðarleiðtoga í þágu íslenskra fjármálafyrirtækja á erlendri grundu, fyrir utan eitt bréf, sem snéri ekki að bönkunum.
Bréf forsetans birt
Ólafur Ragnar Grímsson, forseti Íslands, hefur birt á heimasíðu forsetaembættisins átta af þeim sautján bréfum sem Rannsóknarnefnd Alþingis fékk send. Segir á vefsíðu forsetans að þannig vilji hann koma til móts við óskir og umræður í samfélaginu. Þessi bréf séu til manna sem látið hafa af embætti auk tveggja annarra einstaklinga.
