Novak Djokovic varð í morgun fyrsti Serbinn til að vinna stórmót í tennis er hann fagnaði sigri á opna ástralska meistaramótinu í tennis.
Djokovic mætti Frakkanum Jo-Wilfried Tsonga sem kom mjög á óvart með því að komast alla leið í úrslitaviðureignina. Á leið sinni þangað lagði hann fjóra leikmenn sem eru á meðal fimmtán efstu á styrkleikalista Alþjóða tennissambandsins.
Tsonga sló út Rafael Nadal í undanúrslitum en Djokovic sá við Roger Federer í hinum undanúrslitaleiknum.
Leikurinn í morgun var mjög jafn og spennandi en eftir að Tsonga vann fyrstu lotuna gerði Djokovic fá mistök og kláraði viðureignina með mikilli baráttu.
Tsonga vann fyrstu lotuna 6-4 en Djokovic þær þrjár næstu 6-4, 6-3 og 7-6.
Þetta var í annað skiptið sem Djokovic keppir til úrslita á stórmóti en í fyrsta skipti hjá Tsonga.
Djokovic fyrsti Serbinn til að vinna stórmót
Eiríkur Stefán Ásgeirsson skrifar

Mest lesið



Stefán Teitur og félagar mæta Aston Villa
Enski boltinn

„Gefur okkur mikið sjálfstraust“
Körfubolti

Þór ekki í teljandi vandræðum með Val
Körfubolti

Grindavík lagði Aþenu í botnslagnum
Körfubolti


Elvar Már öflugur í enn einu tapi Maroussi
Körfubolti

Rauðu djöflarnir verja ekki bikarinn
Enski boltinn
