Ivanovic mætir Safinu í úrslitum

Serbinn Ana Ivanovic mætir Dinöru Safinu frá Rússlandi í úrslitum í einliðaleik kvenna á opna franska meistaramótinu í tennis um helgina.

Ivanovic mætti löndu sinni Jelenu Jankovic og var undir í oddalotunni. Hún hafði þó nauman sigur á endanum, 6-4, 3-6 og 6-4. Sigurinn gerir það einnig að verkum að hún kemst í efsta sæti styrkleikalista Alþjóða tennissambandsins.

Safina hefur verið nánast óstöðvandi á mótinu þó svo að hún sé í þrettánda sæti styrkleikalista mótsins. Ivanovic er í öðru sæti.

Safina vann í dag fremur léttan sigur á löndu sinni Stetlönu Kuznetsovu, 6-3 og 6-2, og komst þar með í úrslit á stórmóti í tennis í fyrsta sinn.

Þar sem Kuznetsova tapaði í dag er ljóst að það verður nýtt nafn skráð á bikarinn um helgina en úrslitaviðureignin fer fram á laugardaginn.