Sófi fyrir ný­sköpun

Um þessar mundir er Klak nýsköpunarmiðstöð að flytja af efstu hæð Nýherja í Borgartúni í efstu hæðina á húsi Háskólans í Reykjavík við Kringluna sem áður hýsti Morgunblaðið. Í húsakynnum Klaks getur að líta forláta sófasett úr leðri, Chesterfield. Settið mun hafa verið eign ungs stjórnmálamanns sem nýverið settist á þing og gegnir hárri stöðu.

Sá var lengi einhleypur og festi hann kaup á því þrátt fyrir að kunningjar hans vöruðu hann við því að hitti hann konu myndi hennar fyrsta verk verða að setja mark sitt á heimilishaldið, kaupa nýtt sófasett og henda því gamla út í skúr. Ekki þarf að fara lengra út í þá sálma en spáin rættist og verma sófasettið nú nýsköpunar­bossar í djúpum hugleiðingum.