Tveggja mánaða dómur fyrir þjófnað

Síbrotamaður á fertugsaldri var í dag dæmdur í tveggja mánaða fangelsi í Héraðsdómi Reykjavíkur fyrir að hafa brotist inn í tvo bíla og haft þaðan á burt ýmis verðmæti. Fram kemur í dómnum að ákærði hafi játað brot sín en hann á að baki nær samfelldan sakaferil frá árinu 1990 og hefur hlotið 24 refsidóma, aðallega fyrir auðgunarbrot. Var litið til þess við ákvörðun refsingar en til refsilækkunar kom að nær öll verðmætin komust til skila til eiginda þeirra. Ásamt tveggja mánaða fangelsi var ákærði dæmdur til að greiða ríflega 100 þúsund krónur í skaðabætur og sakarkostnað.