Krefst þriggja ára fangelsis­dóms

Saksóknari í málinu gegn Jónasi Garðarssyni, vegna strands skemmtibátsins Hörpunnar, fer fram á að Jónas verði dæmdur í þriggja ára óskilorðsbundið fangelsi. Bótakröfur sem settar hafa verið fram í málinu nema hátt í 20 milljónum króna.

Saksóknari og lögmaður ættingja hinna látnu hafa flutt lokaorð sín í málflutningnum. Lögmaður ættingjanna velti því fyrir sér í ræðu sinni hvort hægt væri að leggjast lægra en að skella sökinni á slysinu á látna konu. Jónas sagði við vitnaleiðslur að Matthildur Harðardóttir hefði tekið við skipstjórn áður en slysið átti sér stað.

Verjandi Jónasar er að hefja málflutning sinn nú.