Real Madrid lagði Osasuna

Real Madrid styrkti stöðu sína í efri hluta spænsku úrvalsdeildarinnar í kvöld þegar liðið vann mikilvægan útisigur á Osasuna 1-0. Það var Brasilíumaðurinn Julio Baptista sem skoraði eina mark leiksins úr vítaspyrnu í upphafi síðari hálfleiksins, en Iker Casillas var vikið af leikvelli með sitt annað gula spjald 10 mínútum fyrir leikslok.

Barcelona er í efsta sæti deildarinnar með 76 stig eftir 34 leiki, þá kemur Valencia með 68 stig eftir 35 leiki, Real Madrid hefur 66 stig eftir 35 leiki og Osasuna er í 4. sætinu með 62 stig eftir 35 leiki.