Viss um að Vieira fær góðar móttökur

David Dein, aðstoðarstjórnarformaður Arsenal var hæstánægður með dráttinn í 8-liða úrslit Meistaradeildarinnar í hádeginu, þar sem hans menn lentu á móti Juventus. Það er því ljóst að miðjumaðurinn Patrick Vieira mun spila einn leik enn á Highbury eftir allt saman.

"Þetta verður ekki öllu skrautlegra, fyrst Real Madrid og nú Juventus," sagði Dein. "Það var gaman að mæta Real og þetta ætti sömuleiðis að verða frábær rimma." Patrick Vieira, leikmaður Juventus, spilaði sem kunnugt er með Arsenal í níu ár áður en hann hélt til Ítalíu síðasta sumar og nú fær hann tækifæri til að spila á Highbury-vellinum einu sinni enn áður en liðið fer á nýjan völl.

"Patrick var hjá okkur í níu ár og vann marga bikara, svo ég á ekki von á öðru en verði vel tekið á móti honum. Juventus virðist vera að stinga af í ítölsku deildinni og standa því vel að vígi í Meistaradeildinni, en okkar lið er fullt af sjálfstrausti og tilbúið í hvað sem er," sagði Dean.