Bayern ræður ferðinni

Enski landsliðsmaðurinn Owen Hargreaves ítrekaði í gær þá ósk sína að hann vilji komast til Manchester United en sagði jafnframt að málið væri í höndum stjórnar Bayern Munchen. "Framkvæmdarstjórinn hefur fullan rétt á því að neita tilboðum í mig, en hann veit nákvæmlega hvað ég vil," sagði Hargreaves í gær.

"Ég hef gefið Bayern allt síðustu níu árin og ég vil að þeir sýni mér virðingu og viðurkenni að sala til Manchester væri frábært skref fyrir mig," bætti Hargreaves við.