Tibúinn að mæta Argentínu

David Beckham hefur átt eftirminnilegar stundir með enska landsliðinu þegar það hefur mætt Argentínumönnum á stórmótum og hlakkar til að mæta þeim í vináttuleik þann 12. næstkomandi.

Frægt varð þegar Beckham var rekinn af leikvelli gegn Argentínu á HM árið 1998 fyrir að sparka í Diego Simeone, en hann bætti fyrir það fjórum árum síðar á HM í Kóreu og Japan, þegar hann skoraði sigurmark Englendinga gegn Argentínu úr vítaspyrnu.

"Auðvitað vona ég að fólk muni frekar eftir vítinu mínu 2002 heldur en rauða spjaldinu ´98, en leikir þessara liða hafa alltaf verið mjög dramatískir og umtalaðir. Svo virðist sem Argentína muni spila stórt hlutverk á landsliðsferli mínum, ekki bara af því að leikurinn nú verður 50. leikur minn sem fyrirliði, heldur af því Argentína er auðvitað ein sterkasta knattspyrnuþjóð heims," sagði Beckham.